Welkom op de site/blog van de Toepers, de nuujste groep oet Lömmerich die zich bezig hilt mit van alles en nog get! (dao komp g’r op deze site waal achter!)
De Toepers zeen gebaore en getaoge bie Kefee Zalde in Lömmerich. Alle statute en justitiele rompsjlomp waor op eine blauwe maondig(aovend) geregeld. Veur ‘t eesj woort opgetraoje in november 2009, op ‘t Leidjeskonkoer in Lömmerich.
V’r’ wunsje uch vaöl plezaer bie ‘t bekieke van ozze pagina en kom gerös èns kieke bie ein van os rippetisies op maondigaovend @ Kefee Zalde in Lömmerich (19.00-19.45 en 21.00-???)
Kommende zoaterdig is ‘t eindelik zowied: Suze en Larissa gaon deilnumme aan de finale van ‘t Tiener Vastelaovesleedjes Konkoer. Dees finale zal plaats vènje in de veurmalige megadiscotheek The Zenith in Venraoj. Aanvang 19.00 oer. Om 5 oer vertruk vanoet Lömmerich ein ganse bös mit supporters die Suze en Larissa gaon sjteune tiejes deze aovend en tiejes hun optraeje. Hie onger kènt g’r hun leidje “Knatsjgek oet de bol!” beloestere. Suze en Larissa: Heel vaöl succes en heel vaöl plezaer!
Daonaeve sjteit ouch eine Lömmerichse arties in de finale van ‘t “grote” LVK. Kartoesj wis veur de 11e keer in de historie de finale te bereike. Op 3 februari sjtaon zie es 14e op de buhne in Eijsde en zulle dan hun leidje ‘Laot v’r blie zeen dat v’r d’r bie zeen’ ten geheure brènge. Ouch Kartoesj wunsje veer uiteraardd heel vaöl succes en num de ‘vastelaoves-um’ mit nao Lömmerich!
‘t Nuuje prinseduo veur 2012 is inmiddels bekènd: Prins Mike 1e en Jeugprins Marco 1e! Vastelaovesgekke Mike en Marco zulle de kommende Vastelaovend de kar in Lömmerich trèkke en d’r eine te gekke tied van maake.
Kommende zaoterdig vindjt hun receptie plaats in gemeinsjapshoes ‘t Waope van Lömmerich. Laes wiejer veur eine truukblik op aafgeloupe zittinge. read more »
Dit jaor zal de jaorlikse Prinsezitting ein ganse nuuj invölling kriege. Dit alles zal plaats vènje in “Herberg d’n Doal”. De zitting is daonaeve op zaoterdig 7 jannewari in gemeinsjapshoes ‘t Waope van Lömmerich. Laes wiejer veur eine veuroetblik. read more »
De Sjwaegelebend oet Lömmerich haet op ‘t LKZK (Limburgs kampioensjap Zaate Hermeniekes) ein verdeinstelikke 4e plaats behaold. Op ‘t kampioensjap, gehauwte in Beesel, ging Jonge Klaore oet Nuujsjtadt oeteindelik mit de hoofpries aan de haol. Volgens jaor vindj ‘t LKZH dus oppe Nuujsjtadt plaats. Aan de finale deije 20 finaliste oet gans Limburg mit. Sjwaegelebend: van harte proficiat mit deze puike prestasie! Op nao volgend jaor!
Loading ...